des
11035Mordret hadde in deser geliken
Ridders daer van tien conincriken
Si reden soe verre dat si vernamen
Dat si opt plein van Salesbire quamen
Ende si sagen des conincs Arturs scaren
11040Ende die baniren oppenbaren
Die na henlieden ontbeiden daer
Tirst dat elc anderen quam so naer
Datter niet was te doene ane
Dan elc op anderen daer te slane
11045Daer mochtmen sien slaen ende steken
Ende glavien te sticken breken
Ende vor alle dander quam daer riden
Die coninc van Sassen tien tiden
Die ter cure wel gewapent quam
11050Tirst datten min her Ywein vernam
Aldus op hem comende voren
Hi sloech sijn ors te hant met sporen
Ende liet sine glavie nederdalen
Alse die den genen wilde betalen
11055Ende die coninc op Yweine doe stac
Soe dat sine glavie brac
Ende min her Ywein heeften soe gesteken
Dat scilt ende halsberch moeste breken
Ende stac hem dorden lichame met allen
11060Die glavie dat hi moeste vallen
Bi dien steke vanden peerde
Ende als hi vel neder ter eerde
Brac die glavie ende hi bleef ter stont
Licgende al toter doet gewont
11065Doe sprac tot min here Yweine
Een heiden man inden pleine
Daert vele liede mochten horen
Dattie van Sassen hadden verloren
Enen vanden besten ridders daer
11070Dien di hadden verre ofte naer
262
Mettesen begonsten te gadere vallenDie irste battalge met allen
Dat was die irste van Arturs side
Ende twee vanden Sassen ten selven tide
11075Doe mochtmen sien slaen ende steken
Ende menege glavic breken
Menegen riddere vallen ter eerde
Ende sonder meester lopen peerde
Op ende neder aldaer opt velt
11080Daerne was nieman dise helt
Daer mochtmen die eerde bedect sien
Vanden ridders so dat som van dien
Te doet waren geslagen ter stont
Ende som toter doet gewont
11085Die wijch begonste in deser maniren
In dat plein van Salesbiren
Daer af werd gedestruert jamberlike
Van Logres dat goede conincrike
Soe was menech ander lant
11090Want men daer noit sint in ne vant
Alsoe vele goeder werder liede
Alsmen dede eer dit gesciede
Soe dat nader goeder liede leven
Die lande wilt ende ellindech bleven
11095Ende idel van goeden lieden ende bloet
Want si alle waren daer geslegen doet
Alse die glavien gebroken waren
Onderlinge tuschen den scaren
Si gingen trecken haer swerde saen
11100Ende onderlinge grote slage slaen
Soe dat si die swaerde onderdrogen
Ende scouderen ende arme aveslogen
Ende bene ende haer swerde daden
Dore die helme in die herssenen baden
11105Ende min her Ywein die metten orsse
Op ende neder sciet gene porsse
Ende getrect hadde sijn swaerd
Voer onder die Sassen metter vaerd
Ende hi dorreetse ende sciet met allen
11110Ende deetse vanden gereide vallen
Ende dede met slagen die hi hen gaf
Vanden buke die hoefde vligen af
Ende dede soe vele prouetsen tien stonden
Datmen cume hadde vonden
11115Enegen man van sire oude
Die soe vele doen soude
Her Ywein daer menech toe sach
Dede vele ridderscaps optien dach
Ende verwerde die Sassen soe tien tiden
11120Datter geen sijns dorste ontbiden
Ende alse die coninc van Sassen dien
Ende sijn doen lange heeft versien
Dede hi hem anderwerven monteren
Ende seide Dese salt al scofferen
11125Bi sire vromecheit In die porsse
Reet hi dapperlike met sinen orsse
Ende stac min here Yweine soe
Dat hem niet mochte gehulpen doe
Scilt no halsberch ter selver tide
11130Hine stakene dor der luchter side
Metten spere maer tier stont
En was hi niet ter doet gewont
Ende mettien dat hi over vart
Soe heffet min her Ywein sijn swaerd
11135Ende gaf den coninc enen slach so swaer
Dat sijn hoeft metten helme vloech af daer
Ende die lichame viel ter eerde
Altehant doet neder vanden peerde
Alse die Sassen sagen licgen doet
11140Haren here si hadden rouwe groet
Ende alse die van Logres sagen
Haer droefheit ende haer clagen
Si lipen hen op met haren swaerden
Ende slogense van haren paerden
11145Si slogenre so vele doet van dien
Dattie Sassen te hant moesten vlien
Bedie daer ne waser geen ter stont
Cleen no groet hine was gewont
Ende si waren om die doet vanden coninc
11150Drover dan om enege ander dinc
Alse die Sassen gevloen waren
Quamen die van Irlant sonder sparen
Optie van Logres in den pleine
Ende lipen op min her Yweine
11155Ende deden hem porsse herde groet
Ende slogen hem vele liede doet
Die bi harre groter scamelhede
Liver hadden te stervene daer ter stede
Dan weder te kerne te dier stont
11160Daer werd min her Ywein gewont
Met tween glavien inden lichame
Daer hi af hadde grote mesquame
Ende hi ware daer bleven in die noet
Ende alle sine gesellen doet
11165En hadde gewesen Yon die coninc
Die metter andere betalgen naginc
Van des conincs Arturs side
Die stont hem in staden ter tide
Ten besten dat hi doen mochte
11170Metten lieden die hi brochte
Si onderslogen hen vresselijc onsoete
Tien vresseliken gemote
Ende si onderhurten hen ende staken
Metten glavien die si braken
11175Ende onderslogen hen metten swerden
Dat si vielen vanden perden
Ane dene ende ane dandere side
Datmen mochte sien in corten tide
Dat velt al met ridders belegen
11180Die som doet waren geslegen
Ende som gewont toter doet
Daer mochtmen horen gecrijt groet
Vanden genen die daer lagen ter eerden
Diemen daer overreet metten peerden
11185Dat daer sceen an hare mesbare
Dat al die werelt doet daer ware
Niet bedi welnaer al die goede man
Die in die werelt waren dan
Die waren daer in aventuren
11190Om daer te stervene tier uren
Bedie gi moget wel seker sijn des
In al die werelt hoe groet si es
Ne waren niet nadat es bescreven
Alsoe vele goede ridders bleven
11195Alse in gene plaetse waren
Daer negeen af mochte ontfaren
Hine moester ombe bliven doet
Na dattie materie seget al bloet
Tirst dat te gadere gevallen waren
11200Die van Yrlant ende conincs Yons scaren
Daer mochtmen sien slage slaen
Ende slage weder daer ontfaen
Ende die ridders al metten peerden
Elc anderen daer warp ter